SBP ramdam ang sitwasyon ng SoKor

MANILA, Philippines — Naiintindihan ng Samahang Basketbol ng Pilipinas (SBP) ang sitwasyon ng Korea Basketball Association (KBA) na apektado ng coronavirus disease (COVID-19) outbreak.

Umaasa ang SBP sa mabilis na paggaling ng isang player ng South Korean national team na tinamaan ng COVID-19 na siyang naging dahilan para mag-withdraw ang tropa sa FIBA World Cup Qualifiers na ginaganap sa Smart Araneta Coliseum.

“The Samahang Basketbol ng Pilipinas (SBP) has formally received word from FIBA that Korea can no longer send a team to compete in the FIBA Basketball World Cup 2023 – Asian Qualifiers hosted in the Philippines this week,” ani SBP president Al Panlilio.

Alam ng SBP ang hirap ng pinagdaraanan ng KBA lalo pa’t naging close contact ang lahat ng mi­yembro ng national team.

Tiwala naman ang SBP na wala nang player pa ang tatamaan ng virus.

“We at the SBP commiserate with our friends from Korea as we know how difficult it is to deal with COVID-19. The SBP hopes that all the members of the team who caught the virus will get well at the soonest time possible,” ani Panlilio.

Dahil dito, matinding health protocols ang ipina­tutupad ng SBP partikular na sa Big Dome na siyang venue ng torneo at sa Novotel na official residence ng mga delegado.

Bantay sarado ang lahat ng koponan kabilang na ang bisitang teams na New Zealand at India.