Lalaki sa Italy, nagpakulong para makatakas sa asawa
ISANG lalaki na naka-house arrest ang nagpunta sa isang presinto roon at boluntaryong nagpakulong para lamang makatakas sa kanyang asawa.
Hindi na raw kasi matiis ng 30-anyos na mamuhay kasama ng kanyang asawa kaya naman para “makatakas” dito ay pinili na lang ng lalaki na magpabilanggo na lang.
Lumapit sa mga pulis ang lalaki at nagsabing pipiliin na lang niyang tapusin ang kanyang sentensiya sa likod ng rehas kaysa sa house arrest na ipinataw sa kanya.
Tagumpay naman ang naging plano ng lalaki dahil agad siyang inaresto dahil lumabas siya ng bahay ng walang pahintulot sa kabila ng kanyang house arrest.
Matapos ito, ipinag-utos din ng hukuman na ilipat sa kulungan ang lalaki dahil sa ginawa niyang paglabag.
- Latest