Driver sa Texas,tiniketan dahil sa pasaherong kalansay
TINIKETAN ang isang driver sa Texas matapos mabistong kalansay ang katabi niyang pasahero.
Binabagtas ng driver ang carpool lane sa Harris County, Texas kung saan maari lamang dumaan ang mga sasakyang may isa o higit pang pasahero bukod sa driver.
Bistado ang modus ng driver nang maispatan ng mga pulis ang kahina-hinala niyang pasahero na nakanganga at nakasuot pa ng sombrero.
Tinangka pang magpalusot ng driver, na nagsabing hindi raw niya napansing nasa carpool lane siya. Mahilig lang din daw siya sa Halloween kaya siya may kasamang kalansay sa sasakyan, dagdag pa nito.
Sa huli, tiniketan ang driver at sinermunan ng mga humuling pulis bago siya hinayaang umalis.
- Latest