Higanteng 3d cat, makikita sa Tokyo
ISANG high tech na billboard sa Tokyo ang umaagaw ng atensiyon ng publiko roon dahil sa makatotohanang 3D na imahe ng isang dambuhalang pusa na makikitang gumagalaw at nagme-meow ng buong araw.
Makikita ang dambuhalang 3D na pusa sa 1,664-square-foot curved LED screen billboard na nasa tuktok ng isang buil-ding sa Shinjuku district sa Tokyo.
Aakalain mong totoo ang pusa dahil high-definition at 3D ang imahe nito. Mula 7:00 a.m. hanggang 1:00 a.m. araw-araw ay makikitang naglalakad, natutulog at nagme-meow ang pusa sa kanyang puwesto.
Sadyang idinisenyo ang cat display upang makapukaw ng atensyon sa tumpok ng billboard na nasa tabi nito. Maganda rin kasi ang puwesto nito para sa advertising dahil tinatayang nasa 190,000 na mga pedestrians ang dumadaan sa lugar araw-araw.
- Latest