‘Spider-man’, nakipagkita kay Pope Francis
ISANG superhero ang nakipagkita kay Pope Francis kamakailan habang isinasagawa niya ang regular na pakikisalamuha sa publiko linggu-linggo.
Si Spider-Man ang lumapit sa Santo Papa at sandaling nakipag-usap sa kanya.
Matapos ang maikling pagkikita ay iniabot pa ni Spider-Man ang isa sa kanyang mga maskara kay Pope Francis bilang remembrance.
Ang nasa likod ng Spider-Man costume ay ang 27-anyos na si Mattia Villardita mula northern Italy. Binigyan siya ng pagkakataon na makausap si Pope Francis para sa kanyang kawanggawa.
Dinadalaw kasi ni Villardita ang mga batang maysakit na naka-confine sa mga ospital. Upang mapasaya ang mga bata ay palagi siyang naka-superhero costume kapag binibisita niya ang mga ito.
Hindi ito ang unang beses na kinilala si Villardita para sa kanyang pagkakawanggawa.
Noong isang taon, pinarangalan din siya ng presidente ng Italy para sa ipinakita niyang kabutihan sa anim na batang maysakit.
- Latest