Yate, humambalang, nagdulot ng traffic sa Florida highway

MAIHAHALINTULAD ang aksidente sa isang highway sa Florida sa kasalukuyang nangyayari sa Suez Canal matapos isang yate rin ang humambalang doon at magdulot ng pagbabara ng traffic.

Ayon sa mga Florida Highway Patrol ay nahulog ang 40-talampakamg yate mula sa trailer na naglululan nito at humambalang sa gitna ng Interstate 10.

Pahalang pa ang naging posisyon ng yate dahilan upang magkaroon ng ilang oras na pagkaantala ng trapik para sa mga motoristang binabagtas ang highway.

Wala namang nasaktan sa pangyayari at matapos ang ilang oras ay naalis din ng Florida Highway Patrol ang yate mula sa pagkakahambalang nito.