Bata na nahulog mula 13th floor, nasalo ng kanyang kapitbahay!

ISANG dalawang taong gulang na batang lalaki mula Hefei, Anhui Province sa China ang masuwerteng nakaligtas sa pagkakahulog mula sa 13th floor matapos siyang masalo ng kapitbahay na nakatira sa ilalim ng kanilang tinitirahang apartment.

Ayon sa Toutiao News, isang local news agency sa nasabing lugar, iniwang mag-isa sa apartment ang bata ng kanyang ama matapos makatulog ito pero nagising ito agad at umakyat sa balcony na naging dahilan para ito mahulog.

Buti na lamang, kasalukuyang­ nasa tahanan nila ang mag-asawang nakatira sa 12th floor at agad nasalo at nahawakan ang braso ng bata kaya hindi ito tuluyang nahulog.

Agad silang tumawag ng mga bumbero para tulungan silang mailigtas ang bata.

Napag-alaman na ang mister­ na nakasalo sa bata ay dating forest­ firefighter kaya alisto at mabilis ang reflexes nito kaya agad niyang nasagip sa kamatayan ang bata.