Kapiraso ng kauna-unahang eroplano, lilipad muli sa himpapawid ng Mars
ISANG piraso ng tela mula sa kauna-unahang eroplano sa kasaysayan ng daigdig ang magtatala naman ng kasaysayan ngayon sa planetang Mars.
Ang piraso ng telang mula sa eroplano ng Wright Brothers ay lulan ngayon ng Ingenuity helicopter na ipinadala ng NASA sa Mars.
Nakakabit ang Ingenuity sa Perseverance rover na gumagala na ngayon sa Mars. Nakatakdang lumipad ang helicopter mula sa Perseverance sa April 8 at isagawa ang kauna-unahang paglipad ng isang aircraft sa planetang Mars.
Ayon sa mga kamag-anak ng Wright Brothers na unang nakapagpalipad ng eroplano, siguradong matutuwa raw ang kanilang mga ninuno na maging bahagi ng kasaysayan ng Mars.
Naging bahagi rin ng kasaysayan ng space flight ang Wright brothers matapos dalhin sa buwan ni Neil Armstrong noong 1969 ang kapirasong tela mula sa pinakaunang eroplano.
- Latest