Lalaki sa India, pinainom ng tubig ang nauuhaw na cobra

ISANG lalaki sa India ang walang takot na sumaklolo sa isang kobra.

Sa kabila ng panganib na siya ay matuklaw ng makamandag na ahas, sinaklolohan pa rin ng forest service officer ang nauuhaw na cobra sa pamamgitan ng pagpapainom dito ng tubig.

Makikita ang tapang ng hindi na kinilalang lalaki sa video na ipinost sa social media.

Mapapanood sa video kung paano inilapit ng lalaki ang bote ng tubig sa bibig ng cobra.

Walang alinlangan pa na hinawakan ng lalaki ang cobra upang kumalma ito habang nilalagok ng ahas ang tubig mula sa bote.

Dahil sa pagmamalasakit na ipinakita ng lalaki sa cobra, nilagyan tuloy ang video ng angkop na caption: “Love and water. Two best ingredients of life.”