Imahe ng heringgilyang pambakuna sa COVID-19, binuo ng German pilot sa kanyang ruta
GUMUHIT ang German pilot na si Samy Kramer ng imahe ng isang higanteng heringgilya sa kalawakan sa pamamagitan ng paglipad ng 200 kilometro paikot.
Kasabay ng paglipad ni Kramer ang pagsisimula ng COVID-19 vaccination campaign sa Europe.
Pinlano ng 20-anyos na piloto ang kanyang magiging ruta gamit ang isang GPS device bago sumahimpapawid sa may Lake Constance sa southern Germany.
Makikita ang hugis-heringgilya na ruta na nilipad ni Kramer sa internet site na flightradar24.
Ayon kay Kramer, ginawa niya ang stunt para ipagdiwang ang pagsisimula ng malawakang pagbabakuna laban sa COVID-19.
Dahil raw kasi sa pandemyang dulot ng coronavirus ay marami ang nawalan ng trabaho sa industriya ng paglipad, kung saan siya ay kasapi.
- Latest