100 Tips: Life, Beauty & Happiness (Part 6)

1. Kapag may paparating na bagyo, malaki ang tsansa na magkaroon ng brown out. Bago mangyari ang mga nabanggit, maglagay ng tubig sa maraming plastic bottle at ilagay sa freezer. Kapag nawalan ng kuryente, magiging matagal ang lamig ng inyong refrigerator dahil sa mga nagyelong tubig. Kapag natunaw na ang mga ito, mayroon kayong reserbadong cold water.

2. Kumain ng pipino kung may sore throat. Palalamigin nito ang lalamunan at nakakatanggal ng pangangati.

3. Kailangan ang 3 oras na pagtakbo upang mabawasan ng one pound ang iyong timbang. O, kaya, tumakbo ng 27 minutes araw-araw, para mabawasan ng one pound ang iyong timbang per week.

4.  Ang scent ng peppermint ay nakakapagpalakas ng concentration.

5. Magiging smooth at mas magandang ipahid ang cutex sa kuko kung palalamigin muna ito ng 15 minute bago gamitin.

6. Nakakatanggal ng sakit ng ulo ang pagbabad ng paa sa hot water.

7. Mas mananatili nang matagal sa utak ang lessons na isinulat mo  kung kaagad mo itong rerebyuhin sa araw din iyon.

8. Sa tuwing naaasar ka sa iyong magulang, alalahanin mo ang perwisyong ginawa mo sa kanila noong bata ka pa—pinuyat, sinukahan, tinaihan, inihian, —pero hindi sila naasar sa iyo kahit kailan.

9. Sikaping maging maayos ang ugali sa lahat ng tao, sa lahat ng oras para kapag may maninira sa iyo, walang maniniwala sa kanila.

10. Iwasang mag-post ng litrato sa social media habang ikaw ay nakaratay sa banig ng karamdaman. Bakit mo naman gugustuhing ipakita sa iyong mga kaibigan ang iyong “masamang kalagayan”. Kung iyon ngang mga pumanaw na, nagbibigay sila ng tagubilin na kapag namatay, ayusan sila nang maganda para pagtunghay ng mga makikiramay sa kabaong ay maganda silang tingnan.  (Itutuloy)