Pagiging guard sa Buckingham Palace kinamumuhian ng mga sundalo

MATIKAS na matikas ang mga guard na naka-duty sa Buckingham Palace. Maganda ang kanilang uniporme. Hindi sila kumukurap sa pagkakatayo. Para silang mga tuod na kahit dapuan ng langaw o lamok ay hindi dapat kumilos.

Pero alam n’yo bang ang pagiging guard sa Buckingham Palace ay isa sa mga kinamumuhian ng mga sundalong naa-assign dito. Army.

Marami umanong sundalo sa British Army ang naghihimutok kapag inilipat na guard sa Palace. Hindi lamang sila makatanggi sa kanilang superior.

Pero kung papipiliin sila, ayaw nilang maging guard. Kinamumuhian nila ang trabaho bilang guard sa Palace.

Mahigpit ang mga regulasyon kapag isang guard. Mahabang oras ang kanilang dapat gugulin sa pagtayo sa pintuan ng Palace.

Habang naka-duty, bawal silang tumawa. Kailangan din na maayos lagi ang kanilang uniporme, makintab ang boots, at dapat na nasa ayos ang pagtindig.

Kapag nahuli silang nagkasala sa mga nabanggit na regulasyon, isa sa magiging kaparusahan ay ang ekstrang pag-duty.