Bulldog, nahalal na mayor sa Kentucky
ISANG maliit na bayan sa Kentucky ang naghalal ng French bulldog bilang kanilang mayor.
Hinalal ng mga taga-Rabbit Hash, Kentucky ang anim na buwang tuta na si Wilbur bilang alkalde nito lamang nakaraang Huwebes.
Ayon sa amo ni Wilbur na si Amy Noland, umaasa siyang makabawas sa lungkot na dala ng mga negatibong balita sa ukol sa eleksyon at COVID-19 ang pagkakahalal ng kanyang alaga bilang mayor ng kanilang bayan.
Hindi naman daw niya nakikitaan ng stress mula sa kanyang pagkakahalal si Wilbur, na ngayon ay inuulan ng interview at dinudumog saan man siya magpunta sa Rabbit Hash.
Isa nang tradisyon ang paghahalal ng hayop bilang mayor sa Rabbit Hash na nagsimula pa noong 1990s.
- Latest