Parrot sa Australia iniligtas ang amo sa nasusunog na bahay
ISANG lalaki sa Australia ang nagpapasalamat sa kanyang alagang parrot matapos nitong sagipin ang kanyang buhay mula sa nasusunog niyang bahay.
Natutulog si Anton Nguyen ng Brisbane, Queensland noong nakaraang Martes nang marinig niya ang boses ng kanyang alagang parrot na si Eric, na paulit-ulit isinisigaw ang kanyang pangalan.
Pagkagising na pagkagising mula sa ingay na nanggagaling sa parrot ay naamoy kaagad ni Nguyen ang usok na nagmumula mismo sa loob ng kanyang bahay.
Mabilis na binitbit ni Nguyen si Eric at lumabas bahay bago pa tumunog ang mga smoke detectors niya sa kanyang bahay.
Bagama’t nakontrol ng mga bumbero ang apoy ay tuluyan pa rin nitong tinupok ang bahay ni Nguyen, na wala namang tinamong sugat mula sa pangyayari.
Iniimbestigahan pa kung ano ang pinagmulan ng sunog.
- Latest