Kaso ng riding-in-tandem, bumaba na! – Eleazar

MAGKAKAROON ng panibagong estratehiya ang gobyerno ni President Digong para walisin sa kalsada ang mga kriminal, lalo na ang mga “riding-in-tandem”. Sinabi ni Interior Secretary Eduardo Año na ang bagong estratehiya ay kumbinasyon ng mga pulis na nakauniporme at nakasibilyan para mahirap silang mapuna ng mga kriminal. Inutusan din ni Año ang lide­rato ng Philippine National Police na magsumite na kaukulang requirements para sa pagbili ng mga motorsiklo alinsunod sa kagustuhan ni President Digong na gamitin ang mga ito para tuldukan na ang street crimes sa bansa. Araguuyyy!

Sa kasalukuyan, ang mga elemento ng Highway Patrol Group at Tactical Motorcycle Riding Unit ni NCRPO chief Maj. Gen. Debold Sinas ay nagsasanay na sa paggamit ng motorsiklo sa kanilang pagronda sa Metro Manila crime-prone areas. Sinabi ni Sinas na ang TMRU ay magsisilbi ring police visibility sa mga lugar kung saan mataas ang krimen at handang magres­ponde “in a short notice”.

“TMRU is a great help in the crime prevention and anti-criminality programs of NCRPO. We are doing a more strategized police intervention in order to deny opportunities for criminals at the same time immediately respond to any untoward incident in the streets of the Metropolis,” ani Sinas. Get’s n’yo mga kosa? Hak hak hak! Kanya-kanyang gimik lang ‘yan!

Sinabi naman ni Lt. Gen. Guillermo Eleazar, ang PNP Deputy Chief for Administration na bumaba ng 59 porsiyento ang kasong “riding-in-tandem” sa pitong buwan na umiiral ang COVID-19 sa bansa. Kung noong wala pang pandemya halos apat na “riding-in-tandem” ang nailista ng PNP kada araw subalit naging dalawa na lang ito nitong nagdaang mga buwan.

Subalit nang biglang lumuwag ang Inter-Agency Task Force (IATF) para gumanang muli ang ekonomiya, aba tumaas na naman ang krimen kaya minabuti ni President Digong na bigyan ng motorsiklo ang mga pulis para mabilis nilang mahabol ang mga kriminal at “riding-in-tandem” suspects. Araguuyyyy! Hak hak hak! Pabilisan at pagandahan ng estrahiya na lang ang mangyayari rito, di ba mga kosa?

Sa isang banda, iniutos ni Año na ang lahat ng anti-crime campaign ng kapulisan at dapat may coordination sa local government units (LGUs) para maiwasan ang samaan ng loob.

Sang-ayon naman si Eleazar, ang hepe ng Joint Task Force COVID Shield, at tinawagan niya ang lahat ng police commanders na mag-deploy ng pulis sa business districts at mga lugar na pinapasyalan ng mga tao, para mapairal ang social distancing at iba pang health protocols ng gobyerno. 

“The enforcement of community quarantine rules is challenging as more people are allowed to go out. But we assure the Local Government Units and the public that the JTF COVID Shield will be at the frontline in maintaining the balance between the need to reopen the economy and our mandate to protect the people from coronavirus infection through strict, proper and strategic enforcement of the health safety protocols,” ani Eleazar. Anong sey mo Sec. Año Sir? Abangan!