Mayor sa Romania, nahalal muli 2 linggo matapos siyang mamatay
LANDSLIDE ang natanggap na boto ng isang mayor sa Romania – iyon nga lang, ang pagkapanalo niya ay nangyari dalawang linggo matapos siyang mamayapa.
Muling nahalal sa kanyang pangatlong termino bilang mayor ng Deveselu, Romania si Ion Alima matapos niyang makuha ang 64% ng mga boto sa isinagawang halalan kamakailan.
Sa kasamaang palad, hindi na inabutan ni Alima ang kanyang landslide na pagkapanalo dahil binawian siya ng buhay dahil sa COVID-19 noong September 17, ilang araw bago ang eleksiyon.
Mapapanood sa isang video na ipinost online ang ginawang candlelight vigil na isinagawa ng kanyang mga taga-suporta.
Ayon sa mga election official, nailagay na ang pangalan ni Alima sa mga balota at huli na para mapalitan ito. Pansamantalang pamumunuan ang Deveselu ng deputy mayor bago magdaos muli ng special election para sa pagka-mayor ng bayan.
- Latest