Lalaki sa Minnesota, may 3 ½ talampakang mohawk
NAGAWANG mailagay ng isang lalaki sa Minnesota, USA ang kanyang pangalan sa Guinness Book of World Records matapos niyang patubuin ang kanyang buhok at patayuin ito sa style na mohawk sa taas na 42 pulgada o tatlo’t kalahating talampakan.
Unang sinubukan ni Joseph Grisamore na mapasali ang kanyang pangalan niya sa Guinness noon pang 2007 ngunit nadiskuwalipika siya dahil tumanggi siyang ahitin ang tabi ng kanyang ulo na requirement para sa mohawk na hairstyle.
Labintatlong taon pa pala ang lilipas bago niya makamit ang kanyang pinapangarap at opisyal na kilalanin ng Guinness bilang isang world record holder.
Hindi naging madali ang proseso para kay Grisamore, na kinailangang magsimula muli sa pagpapatubo ng buhok pitong taon na ang nakararaan.
Ayon kay Grisamore, nakatirintas ang kanyang buhok kapag hindi ito nakatayo at naka-mohawk na style.
- Latest