Australian, nagbabad sa yelo ng 2.5 oras

ISANG lalaki mula Australia ang nagbabad ng higit dalawa’t kalahating oras sa yelo upang mahigitan ang dating world record na siya rin mismo ang nagtala.

Kinailangan ng 42-anyos na si Josef Koeberl ng 440 pounds ng yelo upang mapuno ang transparent na kahon kung saan siya ibinaon.

Nanatili sa loob ng kahon si Koeberl na nakasuot lang ng swimming trunks habang nagmamasid ang mga taga-Melk, Australia sa kanyang world record attempt.

Sa huli, higit dalawa’t kalahating oras ang itinagal ng pagbabad sa yelo ni Koeberl kumpara sa world record na naitala niya noong isang taon.

Mukhang hindi naman ininda ni Koeberl ang lamig dahil nang  maiahon siya mula sa kahon ay nagawa pa niyang kumain ng ice cream.