Bahay sa China, pinalibutan ng highway nang magmatigas sa gobyerno ang may-ari

PINALIBUTAN ng bagong tayong highway ang isang bahay sa China matapos magmatigas ang may-ari nito.

Hindi kasi pumayag ang may-ari ng bahay na ipagbenta ang kanyang bahay at lote sa gobyerno kahit na 10 taon na siyang inaalok ng bayad.

Dahil dito, napilitan ang gumagawa ng highway na biyakin ang bahagi ng kalsada na dadaan sa bahay ng nagmamatigas na may-ari.

Makikita sa footage ng lugar na napalibutan tuloy ng highway ang bahay ng kinilala lamang sa apelyidong Liang.

Ayon kay Liang, tinanggihan daw niya ang ibinabayad sa kanya ng gobyerno dahil hindi naman daw siya inihahanap nang malilipatan.

Hindi naman daw siya nagsisisi sa pagmamatigas niya dahil komportable siya sa lokasyon ng kanyang bahay kahit pa napapaligiran na ito ngayon ng isang busy na highway.