Dahil sa pusang kalye, mag-asawa sa Kentucky, panalo ng $50,000

SUWERTE ang idinulot ng pagiging mabait sa isang pusang kalye ng mag-asawa sa Kentucky sapagkat nanalo sila ng jackpot sa lottery.

Ayon sa mag-asawa, napabili sila ng lottery ticket habang namimili ng pagkain sa isang food mart doon upang ipakain sa pusang kalye na kanilang hinahatiran ng pagkain.

Nang i-scratch nila ang ticket, nalaman nilang napanalunan na pala nila ang jackpot na $50,000 (P2.5 milyon).

Lubos naman ang pasasalamat ng mag-asawa sa pusakal na tatlong taon na nilang pinakakain dahil kung hindi raw sa hayop, hindi nila maiisipang dumaan ng food mart kung saan nila nabili ang winning ticket.