Ang babae sa aparador (106)

ALAGANG-ALAGA ni Ziarah si Jonas habang nagpapagaling sa ospital dahil sa mga tinamong pasa at bugbog.

Tinalo pa ni Ziarah ang nurse.

Sinusubuan pa nito si Jonas.

‘‘Kumain ka nang marami Kuya para mabilis kang gumaling. Kailangang malakas ka.’’

“Okey na ako, Ziarah. Puwede na nga akong lumabas bukas.’’

‘‘Sabi ni Doktor huwag muna. Pahinga ka raw nang todo.’’

‘‘Ikaw ang inaalala ko Ziarah. Napapagod ka at napupuyat. Isa pa, mayroon kang pasok sa klase mo. Baka hindi ka na malagay sa listahan ng honors.’’

“Okey lang Kuya. Hindi ko kailangan yun! Mas prayoridad sa akin na mabantayan ka. Basta hindi kita iiwan.’’

Napangiti na lang Jonas.

“Sige, ikaw na nga ang masusunod.’’

“Basta magpala- kas ka Kuya. Sige kain pa.’’

Tinanggap ni Jonas ang bawat subo ni Ziarah. Wala na siyang makikita pa na katulad ni Ziarah. Nag-iisa ito sa mundo!

(Itutuloy)