100-anyos na lola sa Russia, tinalo ang coronavirus
ISA na ngayon ang Russia sa mga bansang may pinakamaraming kaso ng COVID-19 kaya naman marami roon ang natuwa sa magandang balita na isang 100-anyos na lola ang nakarekober sa coronavirus.
Sinasabing si Pelageya Poyarkova ang kauna-unahang matanda na nakaligtas sa coronavirus.
Nagkataon pang sa mismong ika-100 taong kaarawan niya siya na-discharge sa ospital.
Nahawa raw si Poyarkova mula sa isang pasyente ng ospital kung saan siya regular na nagpapatingin.
Matapos magpakita ng ilang sintomas ng COVID-19 ay itinakbo na siya sa ospital kung saan siya na-confine.
Ayon sa ospital, si Poyarkova raw ang kauna-unahang centenarian sa Russia na gumaling mula sa COVID-19.
Tinatayang nasa 242,271 na ang kaso ng coronavirus sa Russia, pangalawang pinakamarami sa mga bansa sa mundo kasunod ng United States.
- Latest