Babae sa California, arestado matapos dilaan ang mga paninda sa grocery
ARESTADO ang isang babae matapos niya diumanong dilaan ang mga panindang nagkakahalaga ng $1,800 (katumbas ng P91,000) sa isang grocery sa California.
Ayon sa isang empleyado ng Safeway supermarket, nahuli raw nilang dinilaan ng 53-anyos na si Jennifer Walker ang ilang tinda nilang alahas bago niya ito inilagay sa kanyang shopping cart kasama ng iba pang mga produkto.
Umikot din diumano si Walker sa buong grocery habang dinidilaan ang iba pang mga paninda bago ilagay ito sa kanyang shopping cart.
Tumawag na ng pulis ang mga empleyado ng grocery matapos mapag-alaman na wala naman palang pambayad si Walker sa mga paninda na nasa kanyang shopping cart.
Itinuring na kontaminado ang lahat ng panindang kanyang inilagay sa kanyang shopping cart kaya itinapon kaagad ang lahat ng ito.
Sinampahan ng kasong vandalism si Walker, na hindi naman maipaliwanag ang kanyang ginawang pagdila sa mga paninda.
- Latest