Espesyal na lalagyan ng sanggol,dinisenyo ng isang ama sa China laban sa coronavirus
UPANG maprotektahan ang kanyang dalawang-buwang sanggol mula sa coronavirus, nagdisenyo ang isang ama sa China ng espesyal na lalagyan na kumpleto sa air purification system para maari niyang mabitbit ang anak kahit saan sila pumunta.
Mayroon pang air monitoring system ang lalagyang ginawa ng 30-anyos na si Cao Junjie upang makita kung napupuno na ng carbon dioxide ang loob nito.
Isang buwan daw ang ginugol ni Cao bago niya natapos ang espesyal na lalagyan, na ginawa niya mula sa isang dating lalagyan para sa mga alagang pusa.
Noong una raw, hindi pa sigurado ang asawa niyang sa Fang Lulu kung magiging komportable ang anak nila sa espesyal na lalagyan.
Ngayon ay hindi na siya nangangamba dahil ilang beses na raw nilang nagamit ito, ayon kay Fang.
- Latest