Lalaki, tumira sa bariles na nasa tuktok ng isang poste para sa world record

ISANG lalaki sa South Africa na gustong magkaroon ng Guinness World Record ang dalawang buwan nang nakatira sa isang bariles na nasa tuktok ng isang poste.

Nakaka-60 araw na si Vernon Kruger nitong nakaraang Lunes sa wine barrel na kanyang tinitirhan.

Ang bariles ay nasa tuktok ng isang poste sa Dullstroom, South Africa at inaasahang makukuha niya ang Guinness World Record pagsapit ng 11:32 a.m. sa Enero 20.

Layunin ni Kruger na manatili pa ng isa pang linggo matapos ang nasabing petsa upang mapatagal pa niya lalo ang kanyang record.

Kidlat daw ayon kay Kruger ang nagdudulot ng pangunahing panganib sa kanyang world record attempt.

Minsan daw, muntikang tamaan ang posteng kanyang tinitirhan nang sinimulan niya ang kanyang world record attempt.