Dambuhalang lapu-lapu na may timbang na 158-kilo, nabingwit sa Florida!

Isang 158 kilo na lapu-lapu ang nabingwit sa Florida at naniniwala ang mga researchers na nakahuli sa isda na ito ang ikalawa sa pinakamalaki at pinakamabigat na isda sa mundo. Ayon sa mga researchers, ang nahuling lapu-lapu ay tinatayang 50-anyos na.

Ang unang naitala na pinakamalaki at pinakamabigat na lapu-lapu na nahuli rin sa Florida ay may timbang na 197 kilos.

Ayon sa Florida Fish and Wildlife Research Institute, noong nakaraang Disyembre 28  nila nahuli ang lapu-lapu sa baybayin ng Southwest Florida.

Ayon pa sa mga researchers, ang lapu-lapu na raw ang pinakamatandang sample na isda na nakolekta ng research institute.

Ang nakahuli sa lapu-lapu ay si Jason Boyll, na agad ipinost ang mga litrato ng dambuhalang isda sa Instagram.