Japanese woman, pinakamatandang tao sa mundo

HAWAK na ni Kane Tanaka ang titulo na pinakamatandang tao sa mundo. Ipinagdiwang niya ang kanyang ika-117 kaarawan sa isang nursing home sa Fukuoka, Japan noong Enero 2.

Ginunita ni Tanaka ang kanyang kaarawan kasama ang kanyang mga kaibigan at ang staff sa kanyang nur­sing home.

Sa kabila ng kanyang edad, maganang kinain ni Tanaka ang kanyang birthday cake.

Noong nakaraang taon pa kinumpirma ng Guinness World Recors na si Tanaka ang pinakamatandang tao sa mundo sa edad niya noon na 116 taon at 66 araw.

Ayon sa Guinness, ipinanganak na premature si Tanaka noong 1902. Taong 1922 nang siya’y ikasal kay Hideo Tanaka at sila’y nagkaroon ng apat na anak at nag-ampon pa ng panlima.