Pinakamalaking Christmas tree sa mundo, matatagpuan sa isang bayan sa Italy

HALOS tatlong dekada nang hawak ng Gubbio, isang maliit na bayan sa paanan ng Mount Ingino sa Italy, ang Guinness Record para sa world’s largest Christmas tree.

Noong 1981, inilatag ang 750-metrong Christmas tree sa tabi ng Mount Ingino at pinailawan sa kauna-unahang pagkakataon.

Taun-taon mula noon, tuwing sasapit ang Disyembre 7 (bisperas ng Immaculate Conception), pinapailawan ang 700 dambuhalang mga ilaw na bumubuo sa higanteng Christmas tree.

Simula sa petsa na iyon hanggang sa Enero 6 o Epiphany, nananatiling nakabukas ang mga ilaw ng Christmas tree.

Kinilala na ng Guinness Book of Records ang Christmas tree ng Mount Ingino na “world’s largest Christmas Tree” noon pang dekada ‘90  at hanggang ngayon, wala pa ring nakakahigit o nakakadikit man lang sa nasabing record.