Ngipin na halos isa’t kalahating pulgada, pinakamahaba sa buong mundo

ISANG German dentist ang ginawaran ng Guinness World Record nang makumpirna na ang 1.46-pulgada na ngiping binunot niya mula sa kanyang pasyente ang kumpirmadong pinakamahaba sa buong mundo.

Ayon kay Dr. Max Lucas, binunot niya ang ngipin noong 2018 mula sa isang pasyente na nakaramdam ng matinding sakit ng ngipin.

Halos isang taon daw ang inabot bago opisyal na kilalanin ang nasabing ngipin na pinakamahaba sa buong mundo.

Nito lang nakaraang Martes niya natanggap ang Certificate mula sa Guinness. Plano raw niyang i-display ito sa kanyang opisina.

Ang 1.46-pulgadang ngipin na pinakamahaba sa buong mundo.