Sugar Mommy (175)
DAHAN-DAHANG hinalikan ni Jericho sa labi si Maia. May paggalang ang halik at punumpuno ng pagmamahal. Kakaiba kaysa sa halik na iginawad niya kay Nadine noon. Ang halik niya kay Nadine ay may pagnanasa samantalang kay Maia ay mayroong pag-ibig na wagas.
“I love you Maia,” bulong ni Jericho.
“I love you too, Jericho,” sabi naman ni Maia.
Matapos ang paglalapat ng kanilang labi, masayang pinisil-pisil ni Jericho ang malambot na palad ni Maia.
“Sana hindi na matapos ang masayang sandaling ito, Maia.’’
“Sana nga Jericho.’’
“Wala na akong iibigin pa kundi ikaw.’’
“Salamat Jericho.’’
Muling pinisil ni Jericho ang palad ni Maia.
Gumanti rin ng pisil si Maia.
“Ikaw ang una kong boyfriend, Jericho at una ring nakahalik sa akin.’’
“Napakasuwerte ko pala.’’
“Kaya nga kapag nagkahiwalay tayo, masasaktan ako.’’
“Bakit naman tayo mag-kakahiwalay?’’
“Wala. Nasabi ko lang.’’
“Hindi tayo magkakahiwalay, Maia.’’
“Gusto ko magkasama tayo forever.’’
“Kaya nga gusto ko nang pakasal tayo para lagi na ta-yong magkasama kahit saan at kahit kailan.’’
“Lalo akong nasasabik Jericho kapag naaalala na magpapakasal na tayo sa December.’’
“Ako man ay nasasabik na rin.’’
“Siyanga pala, Jericho alam na ba ng parents mo ang balak natin?’’
“Hindi pa pero tatawag ako sa kanila sa mga susunod na araw at sasabihin ko.’’
“Ikaw Maia, nasabi mo na ba sa inyo?’’
“Oo. Sinabi ko na sa kanila. Tuwang-tuwa sila nang malaman iyon.’’
“Talagang gusto na nilang magkaapo, ha-ha-ha!”
(Itutuloy)
- Latest
