270 inmates na pumuga sa Indonesia, kusang bumalik sa bilangguan

HIGIT 270 inmates – kabilang ang ilang convicted sa salang pagpatay – ang kusang bumalik matapos tumakas sa nasunog na bilangguan sa Surabaya, Indonesia noong nakaraang linggo.

Nasa 500 ang inmates ng kulungan at higit sa kalahati sa mga ito ay nagsitakas nang sumiklab ang apoy.

Wala naman daw talagang intensiyon ang mga preso na takbuhan ang kanilang mga sentensya. Pumuga lamang umano sila upang iligtas ang kanilang mga sarilisa pagkasunog, ayon sa tagapagsalita ng kulungan na si Elly Yuzar.

Hindi rin daw nakapagtataka ang kusang pagbalik ng mga bilanggo sa kanilang kulungan dahil tinatrato sila nang maayos at alam din nilang hindi solusyon ang pagpuga, dagdag pa ni Yuzar.

Ngayon ay nasa 12 preso pa ang tinutugis ng mga awtoridad.