‘Gay’ penguins, nag-ampon ng inabandonang itlog

DAHIL sa kagustuhan na magkaroon ng anak, isang pares ng “gay” penguins sa isang zoo sa Germany ang umampon sa isang itlog na inabandona ng kapwa nila penguin.

Naobserbahan ng mga namamahala sa zoo na sa sobrang determinado ng “same-sex couple” na sina Skipper at Ping na magkaroon ng sariling sisiw na aalagaan, sinusubukan umano ng mga ito na pisain ang isang bato sa pag-aakalang itlog ito.

Nagkataon namang ina­bandona ng nag-iisang babaeng penguin sa zoo ang kanyang itlog at ito ngayon ang inaalagaan ng dalawa.

Ayon pa sa mga namamahala sa zoo, “model pa-rents” daw ang dalawang penguins, na nagsasalitan sa paglimlim sa itlog sa pamamagitan ng paglagay nito sa ilalim ng kanilang mga paa.

Ngayon daw ay mahigpit na binabantayan ng dalawa ang ampong itlog sa mga kapwa nila penguin sapagkat maari itong agawin sa kanila.