Tips para tumagal ang pagkain

Ibabad ang strawberries sa pinaghalong 3 parts water at one part vinegar, sa loob ng 5 to 10 minutes. Patuyuin sa hangin. Ilagay sa plastic container na nilagyan ng butas ang paligid. Tatagal ito ng isang linggo.

Ilagay ang sibuyas isa-isa sa malinis na panty hose. Isabit ito sa kitchen. Tatagal ito ng 8 months.

Isawsaw ang malinis na cotton cloth or muslin cloth sa suka para ‘di kapitan ng molds. Pigain mabuti. Dito ibalot ang natirang quezo de bola o malalaking tipak ng cheese. Itago sa refrigerator.

Mas tatagal ang kamatis kung ilalagay lang ito sa room temperature at hindi sa refrigerator.

Ang hiniwang berdeng dahon ng sibuyas ay tatagal ng 3 weeks kung ilalagay ito sa empty bottle ng mineral water at ilalagay sa freezer.

Ang fresh mushroom ay hindi kaagad magkakaroon ng mildew kung babalutin sa paper bag.

Ang fresh basil leaves ay hindi kaagad malalanta kung ibababad ang stem sa tubig.

Ang mga red spices powder na kagaya ng cayenne, paprika at chilli ay dapat na itago sa refrigerator para hindi kumupas ang kulay at flavour.

Ang celery na ibinalot sa aluminum foil at inilagay sa vegetable bin ay tumatagal ang crispiness hanggang one week.

Hayaang mahinog ang avocado sa room temperature. Itago lang ito sa refrigerator kung hinog na pero hindi mo pa gagamitin.