Kuwentong Titanic

Note: Mga anekdota ng kabayanihan, karuwagan at pagiging makasarili ng mga pasaherong nakaligtas sa lumubog na Titanic.

Sir Cosmo and Lady Duff  Gordon

Background: Si Lady Duff Gordon ay isang sikat na dress designer sa London at New York. Ayon sa bulung-bulungan ng mga sosyal sa London, lihim na gumagawa si Lady Duff ng racy underwear para sa royal family. Ito ay bra at panty na kakaiba ang disenyo. Sa sobrang kaseksihan ay mag-iinit talaga ang dugo ng lalaki kapag nakita niyang suot ito ng kanyang partner. Kadalasan ito ay yari sa manipis na lace na ang tinatakpan na lang ay ang nipple at isang dakot na hiyas ng babae. Kung minsan, ang design ng bra at panty ay ibinubuyangyang na ang lahat. Sekreto lang ang paggawa nito ni Lady Duff dahil nakakahiya nga naman malaman ng mga commoner na ang dugong bughaw ay gumagamit na rin ng malalaswang underwear. Ang kanyang mister na si Sir Cosmo ay isang matagumpay na negosyante. Kilala ang mag-asawa sa alta sociedad ng London.

Titanic Experience: Masuwerteng nakakuha kaagad ng lifeboat ang mag-asawa kasama ang kanilang personal assistants. Pinaandar na kaagad nila ang lifeboat kahit 12 pa lang ang pasahero. Ang lifeboat ay paaalisin lang kung ito ay mapupuno ng maximum number of passengers na 30. Marami pang pasahero sa barko ang sumisigaw na hintayin sila ngunit hindi nila ito inintindi. Sa halip ay binigyan ni Sir Cosmo ng pera ang mga crew sa pagtulong na makakuha ng lifeboat. Nakuha pang mag-joke ni Lady Duff sa kanyang sekretarya sa kabila ng iyakan at pagmamakaawa ng mga pasahero na pasakayin sila. Later on ay madedemanda si Cosmo sa kasong bribery sa mga crew ng lifeboat.

Pagkatapos ng mga nakahihindik na pangyayari at nakabalik na sila sa London society, kumalat ang nangyari sa lifeboat. Lumikha sila ng maraming “haters” sa high society na kinabibilangan nila at pati na rin sa mahihirap na mamamayan. Iniwasan na sila na parang may sakit na nakahahawa. Minalas na hindi magkaanak na nagbunga ng paghihiwalay. Tila hindi sila tinigilan ng bad karma, na-bankrupt ang patahian ni Lady Duff at nang magtagal, pareho silang binawian ng buhay nang walang dangal.