Pinagdugtung-dugtong na sanitary napkins, umabot ng higit isang kilometro ang haba
NAGTALA ng bagong Guinness World Record ang mga kalahok sa isang medical congress sa India matapos nilang pagdugtung-dugtongin ang pinakamahabang linya ng sanitary napkins sa buong mundo, sa layuning maipalaganap ang kaalaman ukol sa menstrual hygiene.
Inabot ng pito’t kalahating oras ang 500 kalahok ng 62nd All India Congress of Obstetrics and Gynaecology (AICOG) upang ilatag at isa-isang pagdugtung-dugtongin ang 10,105 sanitary pads sa isang linya na umabot ng 1,078 metro ang haba.
Kinumpirma ng mga opisyal ng Guinness na bagong world record ang naitala ng mga taga-Bangalore, na bumuo rin ng imahe ng uterus mula sa mga sanitary napkins kasama ng mga katagang “Nothing’s more cuterus than your uterus”.
Mahalaga ang usapin ng menstrual hygiene sa India lalo na’t ayon sa isang pag-aaral ng UNICEF ay tinatayang nasa ikatlo sa mga kababaihang mag-aaral sa India ang hindi nakakapasok sa eskuwela kapag sila ay may regla.
- Latest