Daan-daang ‘witch’, nagsagwan sa ilog sa Oregon

SA halip na mga walis na karaniwan nilang sinasakyan ay mga sagwan ang hawak ng daan-daang “witch”na bumagtas sa halos 10 kilometrong haba ng Willamette River na humahati sa siyudad ng Portland sa Oregon.

Tinawag ang pagtitipon bilang Standup Paddleboard Witch Paddle dahil nakatayo sa tag-iisang bangka ang mga kalahok, na pawang naka-costume na pang-witch.

Dalawang taon na simula nang unang idaos ang nasabing paddleboard event at kung noong una ay iilan lamang ang lumalahok at nanonood sa pagtitipon ay dinadagsa na ito ngayon.

Bago simulan ang kanilang pagsasagwan ay nag-donate muna ang mga kalahok ng medyas, underwear, at t-shirts sa isang charity organization sa lugar.

Ang  mga residente naman sa lugar na pawang mga nagulat sa biglang pagdagsa ng mga nagsasagwang mga witch sa kanilang ilog ay nagkasya na lang sa panonood sa kakaibang pagtitipon.