Life Hacks

Upang maiwasan ang pagluha, pahiran ng cooking oil ang kutsilyo bago gayatin ang sibuyas.

Kapag may nakita kang buhok or anumang foreign object sa inorder mong pagkain sa restaurant, lagyan ito ng maraming asin/hot sauce/paminta bago ipabalik sa waiter para makaseguro na bagong luto ang ibibigay ulit sa iyo. Kung hindi ito gagawin, malamang na tatanggalin lang buhok at ito ulit ang isisilbi sa iyo.

Dampian ng Listerine ang acne para lumiit ito at  mabilis mawala ang pamamaga.

Sa “Alin ang naiba” or “spot the difference”, mabilis makikita ang difference kung sandali kang magduduling-dulingan habang nakatingin sa dalawang drawing.

Para mapigilan ang pagsuka, ngumuya ng minty gum.

Magpakulo ng tubig na may vanilla extract at cinnamon kung gusto mong bumango ang inyong buong kabahayan.

Ang lumang paint brush na nanigas dahil sa natuyong paint ay magiging parang bago kung ibabad to ng 30 minutes sa suka.

Pahiran ng deodorant ang kagat ng lamok o langgam para hindi mangati.

Kapag nahihirapang magdesisyon kung ipapamigay mo ba ang iyong mga damit or hindi: Tanungin ang sarili-- Kapag nakita mo ba ito sa ukay-ukay store, bibilhin mo ba ito? Kung NO ang sagot, ipamigay mo na.

Nagpapapayat? Huwag kang kumain apat na oras bago matulog.