Dating loser na naging Winner
1831—Nalugi sa negosyo
1832—Natalo sa legislature
1835—Namatayan ng fiancee
1836—Sa sobrang kalungkutan, nagkaroon siya ng nervous breakdown.
1836—Natalo sa eleksiyon
1843—Natalo sa US Congress
1846—Natalo ulit sa Congress
1848—Walang kadala-dala, tumakbo ulit sa Congress at natalo na naman!
1855—Natalo sa US Senate
1856—This time, US Vice President ang tinakbuhan, pero natalo na naman.
1858—Natalo sa US Senate
Summary ng buhay ni Abraham Lincon ang inyong nabasa. Wala siyang kapaguran na sumubok nang sumubok. Salamat na lang at wala sa bokabularyo niya ang salitang “suko” or “quit” dahil kung pinanghinaan siya ng loob pagkaraan ng labing-isang beses na kabiguan, aba…hindi niya makakamit ang tagumpay.
1860—Sa wakas si Abraham Lincoln ay inihalal na Presidente ng mga mamamayan ng United States of America.
Siya ang nagpatunay na ang mga nagtatagumpay ay ‘yung hindi marunong sumuko. Tama lang ang kasabihang: Try and try until you die. Kamatayan lang ang magpapahinto sa iyo upang itigil ang pagsusumikap. Ito ang kuwentong inihalimbawa ko sa aking kaibigan na natalo sa katatapos pa lang na barangay election. First time niyang pumasok sa pulitika. Ang nakakapagpasakit ng labis sa kanyang kalooban ay isang boto lang ang lamang ng kanyang kalaban. Gusto sana niyang ipa-recount ang boto ng buong barangay pero malaking pera ang kakailanganin niya para maisakatuparan ito. Kaya wait na lang siya ng next barangay election. Baka ‘yung isang hindi bumoto sa kanya ay makuha na niya.
- Latest