Marami na namang vendors at nakaparadang sasakyan sa Rizal Ave.
Noong isang buwan lamang sinabi ni Mayor Joseph Estrada na magiging maluwag na ang kahabaan ng Rizal Avenue dahil bawal na ang vendors at lahat nang nakaparadang sasakyan ay hahatakin.
Marami ang natuwa sapagkat talaga namang grabe ang trapik sa Avenida dahil sa vendors at illegal parking. Sabi ni Mayor Estrada, kaya may mga vendors at sasakyang nakahambalang ay dahil may mga taong naniningil para sa parking. Ipinahuli niya ang mga taong naniningil sa parking.
Pero isang buwan lang makalipas ang kanyang direktiba, balik na naman sa dati ang Avenida. Naghambalang ang mga sasakyan at maraming vendors. Pati sa Raon St. at sa Carriedo ay sala-salabat ang vendors. Wala na namang madaanan ang tao. Paano na ngayong papalapit ang Pasko?
Sana panindigan ni Erap ang kanyang pangako.--MAR SOLOS, Blumentritt St. Sampaloc, Manila
- Latest