Disiplina at enforcement
LALO pang lumubha ang problema sa trapiko na nararanasan sa Metro Manila na ikinaiirita ng publiko.
Mismong ang Malacañang ang humingi ng paumanhin sa publiko sa nararanasang mabigat na problema sa trapiko lalo na sa halos buong Metro Manila.
Ayon sa Malacañang ang rason ng pagtindi ng problema sa trapiko ay dahil sa kaliwa’t kanang proyekto ng Department of Public Works and Highways (DPWH) .
Pero normal lang naman ang napakaraming proyekto sa isang bansang papaunlad tulad ng Pilipinas.
Sa ganitong problema, ang pinaka-mainam dito ay ang disiplina sa lahat ng motorista at ang maayos naman na enforcement o pagpapatupad ng batas trapiko ng ating gobyerno.
Maaring maibsan pa ang problema sa trapiko kung makiki-pagtulungan ang mamamayan.
Sa panig ng mga motorista, panahon na upang sundin ang mga batas trapiko at ang pinaka-magandang gawin ay ang disiplina ng lahat ng drayber maging pribado man o pampublikong sasakyan.
Ang gobyerno naman ay marapat na maghigpit sa pagpapatupad ng batas ng trapiko na kailangang hulihin at parusahan ang mga motoristang lumalabag sa batas.
Kapag nakikita ng motorista na mahigpit ang mga traffic enforcer ay mabibigyan ng babala ang lahat upang sumunod sa batas trapiko.
Ang mga Pilipino ay susunod naman sa batas trapiko kung alam nilang sila ay tutuluyang hulihin at mapaparusahan.
Kapag nasa loob ng SBMA sa Subic, Zambales ang mga motorista o sa abroad ay maingat at may disiplina naman sa pagmamaneho kaya maaring maibsan ang problema sa Metro Manila sa pamamagitan ng disiplina at mahigpit na pagpapatupad ng batas trapiko.
- Latest