18-anyos kasambahay, inatado ng taong gala
MASBATE CITY, Masbate, Philippines — Kalunus-lunos ang sinapit ng isang 18-anyos na kasambahay matapos pagtatagain ng isang ‘di kilalang lalaki na armado ng gulok at gumagala sa daan sa Purok-4, Brgy. Usab, Masbate City, Masbate kamakalawa ng gabi.
Patay na at naliligo sa sariling dugo nang datnan ng mga rumespondeng opisyal ng barangay ang biktima na kinilalang si Cherryl Gigante Aquino, may-asawa at residente ng naturang barangay.
Hindi naman nakilala ang suspek na mabilis nakatakas makaraan ang pananaga sa biktima.
Sa ulat, dakong alas-6 ng gabi habang naglalakad ang biktima nang lapitan ng hindi nakilalang suspek na may bitbit na itak.
Sa hindi malamang dahilan, walang kaabug-abog na pinagtataga ang biktima sa iba’t ibang bahagi ng katawan na duguang humandusay.
- Latest