Ex-kagawad pinasok sa bahay, pinatay
PIO DURAN, Albay, Philippines — Bulagta sa loob ng kanyang bahay ang isang dating barangay kagawad matapos pasukin at pagbabarilin ng hindi nakilalang gunman sa Purok-7, Brgy. Panganiran, Pio Duran, Albay kamakalawa ng gabi.
Napuruhan ng punglo sa iba’t ibang bahagi ng katawan at agad nasawi ang biktimang kinilalang si Mariano Buag Balbuena, residente ng naturang lugar.
Hindi naman nakilala ang suspek na agad tumakas makaraan ang pamamaslang.
Sa ulat, dakong alas-10:30 ng gabi habang nasa loob ng kanilang bahay ang biktima nang biglang pumasok ang hindi nakilalang suspek na armado ng hindi malamang kalibre ng baril. Bago pa nakakilos ang biktima ay walang kaabug-abog siyang pinagbabaril ng suspek na duguang humandusay.
Inaalam pa ng pulisya ang posibleng pagkakakilanlan ng suspek at sa motibo ng pamamaslang.
- Latest
