3 magkakapatid na ‘tulak’ timbog sa buy-bust
SORSOGON CITY, Sorsogon, Philippines — Kalaboso ang tatlong magkakapatid at isa pa matapos na maaresto sa inilatag na buy-bust operation ng mga pulis sa Brgy. Cambulaga, Sorsogon City, Sorsogon kamakalawa ng gabi.
Sinampahan na ng kasong paglabag sa Comprehensive Dangerous Drugs Act of 2002 ang mag-uutol na suspek na kinilalang sina Elsa Debois Buen, 45-anyos; Rommel, 49-anyos; at Lito, 37-anyos, lahat residente ng naturang lugar; at Michelle Marantal Espinida, 40-anyos, residente ng Brgy. Bibincahan, Sorsogon City.
Sa ulat na nakarating sa Camp Gen.Simeon Ola, makaraan ang ilang araw na surviellance at test buy sa iligal na operasyon ng mga suspek ay agad inilatag ang buy bust operation dakong alas-6:20 ng gabi ng mga tauhan ng Philippine Drug Enforcement Agency, Police Provincial Drug Enforcement Unit at Sorsogon City Police. Mabilis na inaresto ang apat makaraang iabot sa poseur buyer ang biniling droga.
Nabawi sa mga suspek ang limang sachet ng shabu na tumitimbang ng 13-gramo at nagkakahalaga ng 88,400 piso, boodle money na ginamit sa buy bust at mga drug paraphernalia.
- Latest
