College student binoga sa ulo ng tandem

MANILA, Philippines — Dead on the spot ang 22-anyos na binata nang malapitang barilin sa ulo habang sakay ng motorsiklo ng riding-in-tandem suspect, kamakalawa sa Brgy.Sumagdang, Isabela City, Basilan.

Kinilala ni Lt. Col. Junpikar Sitin, hepe ng pulisya ng Isabela City, ang biktimang si Umaer Atta, college student.

Lumabas sa imbestigasyon na minamaneho ni Atta ang kanyang motorsiklo nang pagbabarilin ng back ride ng isa pang motor na nakabuntot sa biktima sa may Salain Drive ng nasabing barangay.

Tinamaan sa ulo si Atta na agad niyang ikinamatay habang mabilis na tumakbo ang mga suspek patungo sa direksyon ng bayan ng Lantawan.

Inaalam pa ng pulisya ang motibo at pagkaka­kilanlan ng mga suspek.