Marine sergeant inutas ng 2 gunmen
MANILA, Philippines — Idineklarang dead- on-arrival sa ospital ang isang miyembro ng Philippine Marine nang ito ay pagbabarilin ng dalawang lalaki kahapon ng umaga sa Cotabato City.
Kinilala ni P/Major John Vincent Bravo, chief of Police Precinct 1 ng Cotabato City Police Office, ang nasawing si Marine Sgt. Rodolfo Magno dahil sa mga tama ng bala sa ulo at katawan.
Sa ulat, si Magno ay nasa loob ng kanyang Toyota Vios na nakaparada sa kahabaan ng Moreno Drive sa Dapdap area dahil hinihintay ang kanyang misis na may binili sa mga tindahan sa tabi ng kalsada nang lumapit ang dalawang lalaki at walang kaabog-abog na pinagbabaril ng kalibre 45.
Mabilis na tumakas ang mga suspek habang ang biktima ay dinala sa ospital kung saan ito ay idineklarang dead-on- arrival.
Nasamsam ng mga pulis sa crime scene ang tatlong basyo ng kalibre 45 baril.
- Latest
