P6.2 milyong marijuana sinunog
MANILA, Philippines — Umaabot sa P6.2 milyong halaga ng marijuana na nakumpiska sa Tinglayan, Kalinga, Bakun at Kibungan, Benguet noong Martes ang sinunog ng mga otoridad.
Ayon kay Police Regional Office-Cordillera Director Brig. Gen. Mafelino Bazar, sa pinagsamang operasyon ng Provincial Drug Enforcement Group-Kalinga Provincial Police Office at Naval Intelligence Security Group Northern Luzon (NISG-NL), nadiskubre ang 12 marijuana plantations sa Bakun at Kibungan.
Binunot ang 17,000 fully grown marijuana plants na nagkakahalaga ng P3.4 milyon sa Barangay Buscalan, Tinglayan sa ilalim ng “Coplan: Green Herb ” at 4,000 marijuana plants na nagkakahalaga ng P800,000 naman sa Sitio Canaan, Barangay Buscalan, Tinglayan sa ilalim ng Oplan Gogo
Bukod sa mga plantasyon, nadiskubre rin ng Kibungan MPS, Bakun MPS, at Provincial Drug Enforcement Unit (PDEU) ang 200 FGMJP at 1,650 marijuana seedlings na may SDP P2,066,000.
Nagpapatuloy naman ang imbestigasyon ng mga awtoridad para sa pagkakakilanlan sa mga suspek at agaran ikadarakip sa mga ito.(
- Latest