Tanod timbog sa Army uniform, baril
MANDAON, Masbate, Philippines — Kalaboso ang isang 28-anyos barangay tanod matapos na maaresto sa inilatag na checkpoint ng Brgy.Bat-ongan,ng bayang ito,kamakalawa ng umaga.
Sinampahan na ng kasong paglabag sa article 179 o illegal use of uniform at republic act 10591 o illegal possession of firearm ang suspek na kinilalang si Jonard Dequino Mato, residente at tanod ng Purok-Santol, Brgy.Macabug ng naturang bayan.
Sa ulat, alas-11:30 ng umaga naglatag ng checkpoint ang mga kasapi ng 1st Provincial Mobile Force Company at Mandaon Police.
Ilang sandali ay dumating ang suspek na lulan ng kanyang motorsiklo na nakasuot ng Army camouflage shorts habang sukbit ang isang Kalibre 45 baril. Agad inaresto ang suspek matapos walang naipakitang mga dokumento.
- Latest
