Mag-asawa na ‘tulak’, pamangkin arestado sa Quezon buy-bust
LUCENA CITY, Philippines — Kulungan ang binagsakan ng mag-asawang hinihinalang tulak ng ipinagbabawal na droga at kanilang pamangking lalaki makaraang maaresto sa anti-drug operation, kamakalawa ng umaga sa Purok Little Baguio 1, Barangay Ibabang Dupay sa lungsod na ito.
Sa ulat ni P/Lt .Col. Erickson Roranes, chief of police rito, kinilala ang mga naaresto na sina Alvin Rosas alyas “Palaka”, 45, ang asawa nito na si Nancy, 40, at pamangkin na si Kier John Rosas, 28, binata, pawang mga residente sa naturang lugar.
Ayon kay P/Lt. Jerome Ubaldo, City Drug Enforcement Unit (CDEU) chief, ang mag-asawa ang target ng kanilang buy-bust operation na kapwa kabilang sa mga suspected list Individual (SLI).
Nagkataong nasa loob ng kanilang bahay ang pamangking si Kier John at nakumpiskahan ng ilang plastic sachet ng hinihinalang shabu kaya inaresto na rin ito dakong alas-7:41 ng umaga.
Sa kabuuan ay aabot sa 6.7 gramo ng shabu na nagkakahalaga ng P136,680.00 ang nakumpiska sa mga suspek kasama na ang isang piraso ng P1,000 marked money.
- Latest