Payout ng 4Ps hulog sa ilog, benepisyaryo nalunod

MANILA, Philippines — Sa pagnanais na mai­salba ang payout mula sa 4Ps, isang lalaki ang nalunod sa ilog sa Camarines Sur.

Kahapon lamang nang makitang palutang-lutang ang bangkay ni Jobette Galietos, 40-anyos sa Bicol River sa bayan ng Libmanan.

Lumilitaw na Nobyembre 17 nang magtungo si Galietos sa Sipocot kasama ang kanyang pamilya upang iwithdraw ang kanyang pera na tinanggap mula sa 4Ps.

Sakay ng trolley papauwi, hinangin ang envelope na naglalaman ng pera at dokumento na bumagsak sa ilog.

Sa pagnanais na ma­isalba ang envelope, hinabol ito ng biktiima at napilitang tumalon sa ilog hanggang sa tangayin ng malakas na alon.