Magnitude 5 na lindol yumanig malapit sa Cagayan; aftershocks asahan — Phivolcs
MANILA, Philippines — Tinamaan ng malakas-lakas na lindol malapit sa probinsya ng Cagayan, ito ilang linggo lang matapos yanigin ng magnitude 6.4 earthquake ang kalapit na probinsya ng Abra.
Bandang 1:34 p.m. nang tumama ang magnitude 5 na lindol 11 kilometro mula sa Dalupiri Island sa Calayan, Cagayan, ayon sa huling ulat ng Philippine Institute of Volcanology and Seismology (Phivolcs), Lunes.
#EarthquakePH #EarthquakeCagayan#iFelt_CagayanEarthquake
— PHIVOLCS-DOST (@phivolcs_dost) November 7, 2022
Earthquake Information No.2
Date and Time: 07 November 2022 - 01:34 PM
Magnitude = 5.0
Depth = 014 km
Location = 19.11°N, 121.11°E - 011 km S 89° W of Dalupiri Island (Calayan) (Cagayan)https://t.co/G6v8MBa1jA pic.twitter.com/kZzBzDD5ne
Sinasabing "tectonic" ang pinagmulan ng lindol.
Naitala ang sumusunod na intensities sa mga naturang lugar:
Intensity V (strong)
- Calayan, Cagayan
Intensity IV (moderately strong)
- Pagudpud, Ilocos Norte
Intensity III (weak)
- Luna, Apayao
- Pasuquin, Ilocos Norte
Intensity II (slightly felt)
- Lal-lo, Buguey, Lasam at Peñablanca, Cagayan
Bagama't wala pang inaasahang pinsalang maidudulot ang insidente, tinataya ng state seismologists na masusundan pa ito ng mga aftershocks o mas mahihinang mga pagyugyog.
Sa kabutihang palad, wala pang anumang tsunami warnings na inilalabas ang mga otoridad sa ngayon.
Umabot na sa 139 ang nasusugatan dahil sa nagdaang lindol sa Abra at mga kalapit na lugar sa Ilocos Region at Cagayan Valley, ayon sa pinakasariwang tala ng National Disaster Risk Reduction and Management Council nitong Linggo. — James Relativo
- Latest